طريقة عمل صينية القرنبيط بالطحينة اطباق رمضان

قسم: الأطباق الرئيسية طريقة عمل صينية القرنبيط بالطحينة اطباق رمضان » بواسطة عبد الرحمن - 3 يناير 2022

طريقة عمل صينية القرنبيط بالطحينة اطباق رمضان

صينية القرنبيط بالطحينة طريقة عمل صينية القرنبيط بالطحينة اطباق رمضان

مقادير صينية القرنبيط بالطحينة

  • رأس قرنبيط كبيرة
  • كوباية طحينة
  • كوبيتين مية
  • نص كوباية عصير لمون
  • بصلاية كبيرة مفرومة ناعم
  • 3 معالق كبار زيت زيتون
  • ملح وفلفل أسود حسب الرغبة
  • للزينة: صنوبر مقلي – لوز مقلي

طريقة عمل صينية القرنبيط بالطحينة

  1. هنقطع القرنبيطة الي شجرات متوسطة
  2. هنجيب طاسة تيفال ونحط فيها زيت نباتي ونقلي القرنبيط لحد ما يبقى لونه دهبي ونخرجه ونحطه على مناديل المطبخ علشان نتخلص من الزيت الزيادة ونسيبها على جنب
  3. في حلة متوسطة هنحط زيت الزيتون وعليه كمية من زيت قلي القرنبيط وننزل عليه بالبصل ونبهره برشة ملح ونقلب لحد ما يدبل
  4. هنخلط الطحينة والليمون والمية والملح والفلفل الاسود لحد ما يبقى الخليط سايل
  5. هنحط خليط الطحينة على البصل ونسيبه يغلي دقيقتين وننزله من على النار
  6. هنيجي بقى في برام فخار او صينية بايركس حسب امكانياتك ونحط القرنبيط المقلي ونضيف عليه صوص الطحينة
  7. ندخله الفرن من تحت لمدة 20 دقيقة وبعد كده نحمره من الوش
  8. بعد ما تحمر نخرجها من الفرن ونرش عليها الصنوبر واللوز المقلي . ونقدمها وبالهنااااااااااا
مضمون قد يهمك
أضف تعليقا