طريقة عمل الكنافة بالجبنة ألذ حلويات رمضان
طريقة عمل الكنافة بالجبنة وهي نفسها الكنافة النابلسية ولكن بطعم جديد رائع
مقادير الكنافة بالجبنة
- نص كيلو كنافة
- سمن
- سكر بودر
- كيلو لبن
- خل
- جبن موتزريلا
طريقة عمل الكنافة بالجبنة
- كنافه تفرزه ونكسره ونديه سمن ورشه بسيط سكر بودر ونحط ف الصنيه سمن بلدي سايح
- ونكبس تلات ارباع الكنافه ونضغط عليها كويس وبعدين هنقطع كيلو لبن بنقطه خل ونصفي ونحطه ع جنب
- ونكون نقعين ربع كيلو موتزريلا ساعتين نصفيها ونحشي بيها مع اللبن القاطع ااكنافه ونكبس كويس
- وع الوش باقي الكنافه ندخلها الفرن بس تحمر تطلع نقلبها وندي شربات تقيل بارد وبالهناء
- بالنسبه للنقع الموتزريلا لانها بتكون مالحه شويه بحطها ف ميه لمده ساعه مش اكتر واصفي بمصفه عشان متكونش مالحه
- اما قطع اللبن لبن نغلي ع النار نضيف نقطه خل هنلاقي اللبن قطع ورسب قشده تحت وميه فوق
- نصفي القشده من الميه نخلطه مع الموتزريلا ونحشي فوق ااكنافه اما اللون بنحط منه سنه بسيطه ع الكنافه ونقلب ودا اختياري
مضمون قد يهمك
أضف تعليقا