طريقة عمل عجينة البيتزا والحواوشي المتعددة الاستخدامات

عجينة البيتزا والحواوشي سهلة ومضمونة ومتعددة الاستخدامات وتصلح لعمل معجنات للافطار او العشاء او سحور رمضان

مقادير عجينة البيتزا والحواوشي

• كيلو دقيق
• معلقتين سكر
• معلقه ملح
• 4 ملاعق زيت زيتون و3 زيت عادى
• 2 كيس خميره فوريه
• لتر لبن (على حسب نوع الدقيق)

طريقة عمل عجينة البيتزا والحواوشي

1. حطيت الدقيق ف طبق وضيفت السكر والملح والخميره والزيت وقلبت وبعدين اللبن حبه بحبه اللتر فضل منه حوالى كوبايه
2. واعجن كويس واسيب العجينه تخمر حوالى ساعه انا كنت عملاها الضهر فسبتها ف الشمس خمرت بسرعه جدآ
3. انا عملت 4 بيتزات والحواوشى من الكميه دى
4. بالنسبه للحشوه فرمت اللحمه وحمرت فصين توم وحطيت اللحمه المفرومه عليه
5. وضربت بصلتين مع توم ف الكبه وحطيتهم ع اللحمه وبهارات اهم حاجه الفلفل الاسود وكمان نص عود قرفه بشيله ف الآخر
6. واقلب شويه وبعدين حطيت حبتين طماطم وفلفل اخضر رومى وحراق واقلب لغاية ماتنشف وتبقى حلوة
7. الصلصه حمرت نص معلقة توم مع ملح وكسبرة ناعمه وضربت 3 حبات طماطم وحطتهم ع التوم مع بهارات لغاية ما اتسبكت وطفيت
8. بفرد العجينه واحط عليها معلقه صلصه واوزعها وبعدين الجبنه الرومى والفلفل والطماطم وبعدين اللحمه وآخر حاجه الموتزاريلا
9. الحواوشى نفس العجينه ونفس الخلطه بالهنا والشفا