قراقيش اليانسون مع كوباية شاي المزاج كله

قسم: الأطباق الرئيسية قراقيش اليانسون مع كوباية شاي المزاج كله » بواسطة عبد الرحمن - 21 يونيو 2021
قراقيش اليانسون

 

قراقيش اليانسون من اجمل واشهى انواع المعجنات والمقرمشات المفضلة للكبار والصغار وهي مفيدة جدا وسهلة التحضير وسريعة ولا تأخذ منك لا جهد ولا مال ولا وقت يعني بمنتهى البساطة هتوفري بعمل القراقيش وهتفيدي ولادك وتضمني ليهم تغذية سليمة ونظافة أكثر

المقادير المظبوطة لعمل قراقيش اليانسون

  • كيلو ونص طحين او دقيق ( 6 كوبايات )
  • كوباية ونص سمنة بلدي
  • نص كوباية زيت
  • معلقتين سمسم كبار
  • معلقة كبيرة يانسون
  • معلقة شمر صغيرة
  • رشة ملح
  • كيسين خميره فوريه
  • معلقه صغيره سكر للعجن
  • كوباية مية دافية للعجن

طريقة عجن وخبز قراقيش اليانسون

  1. اول حاجة هنجيب الخميرة وندوبها في شوية مية دافية صغيرين ومعلقة سكر ونسيبها لحد ما تعلى شوية
  2. هنحط الطحين (الدقيق) في وعاء غويط شوية وعليه رشة الملح
  3. هنقدح السمنة والزيت على نار عالية ونضيفلهم السمسم والشمر واليانسون
  4. هنعمل حفرة في نص الدقيق ونصب فيها السمن المقدوح بهدوء جدا
  5. هنحاول نوزع السمنة المقدوحة مع الزيت مع الدقيق بمعلقة خشب لانها سخنة جدا
  6. نسيبه شوية يبرد وبندأ نعجن بايدينا العجينة لحد مايتوزع السمنة كويس جدا في العجينة وبعد كده نضيف الخميرة والمية حبة بحبة ونعجن ببباستمرار لحد ما العجينة تاخد القوام المظبوط وتبقى العجينه مش بتلزق في الايد
  7. هنا بقى هنسيب العجينة ونغطيها بقماشة لحد ماتخمر
  8. بعد ماتخمر العجينة هنقسمها كور متساوية وهناخد كل كورة منه ونفردها بالنشابة ونقطع بالطول وعلى مسافات متساوية
  9. ونرصها في الفرن ونسيبها تخمر كمان شوية تاني
  10. نسخن الفرن على درجة 180 وهنا بردو تكة من تكات القراقيش هنحط الصينية على الرف اللي تحت لمدة 10 دقايق بس وبعد كده نطلعها على الرف اللي في الوسط لمدة 30 دقيقة تقريبا وبألف هنا وعافية
مضمون قد يهمك
أضف تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *