تجهيزات شهر رمضان فواكه خضار لحوم دجاج حلويات

قسم: مضمون » الأطباق الرئيسية » تجهيزات شهر رمضان فواكه خضار لحوم دجاج حلويات » بواسطة عبد الرحمن - 25 أبريل 2018

تجهيزات شهر رمضان فواكه خضار لحوم دجاج حلويات

تجهيزات شهر رمضان تجهيزات شهر رمضان فواكه خضار لحوم دجاج حلويات

تجهيزات شهر رمضان فواكه

  • البرتقال البلدى قشرى القشرة ونضفيه م القشرة الداخلية البيضة وع حسب عيلتك وعددها ربنا يبارك جزرتين مسلوقين ف كل كيس واربع برتقالات وتشيلى منهم البذر من غير ما تعصيريه بتفتحى البرتقالة بسكينة مشرشرة من ضهرة هتلاقى البذر ترميه وع الفريزر وتطلعيه ع الخلاط بسكر وتصفيه زى الفل
  • المشمش تغسليه وتفصصيه وتبصى كويس لا يكون فيه دود تحطه ع النار الكيلو عليه ربع كيلو سكر غلوتين مش كيتر يبرد ع الفريزر تطلعيه ع الخلاط وتصفى احلى من قمر الدين مية مرة وموفر جدا
  • الكمبوت خوخ صغير تغسليه وع النار ع الكيلو ربع سكر يغلى غوتين اوعى يتهرى يبرد شيلى البذر ع الفريزر تطلعيه ع الخلاط تصفيه احلى كمبوت
  • الجوافة : اغسليها وقطعيها وشيلي البذر وحطي عليها ربع كيلو سكر وعلى الفريزر ووقت التحضير على الخلاط مع شوية لبن ويبق عندك احلى عصير جوافة باللبن.
  • الاناناس : قشريه وشيلي البذور وقطعيه شرائح وحطي عليه سكر وفي اكياس وعلى الفريزر ووقت التقديم على الخلاط مع شوية مية وورقتين نعناع

تجهيزات شهر رمضان لحوم وفراخ

  • اللحمة المفرومة : عصجى مفروم مبحبش اعمل الكفته واحطه ف الفريزر بجهز مفروم م غير حاجة ولما اطلعه يفك واحط اضافات الكفتة
  • البانيه متبل اطلعه ع خلطة الدقيق المجهزة
  • شيش متبل وراك متبلة جاهزة ومتنسيش تحطى عصير برتقال ع التبيلات بتاعتك تخلى اكلك مميز

تجهيزات شهر رمضان حلويات

  • السيرب بتاع الحلويات كيس سكر وعايريه بالماج وزيه مايه وزيادة نص ماج يغلى انزلى بالمونة يتقل سنة صغيرة ضيفى فانيليا وبشرة برتقالة يبرد حطيه ف زجاجة الكاتشاب الكبيرة هياخده وع التلاجة
  • خلطة الحلويات هاتى نص سودانى اجرشيه جاهز وضيفى عليه زبيب جوز الهند وقرفة فستق عين جمل لو فيه قلبيهم وع برطمان وف باب التلاجة اوى وقت جاهز مع السيرب
  • للكنافة القطايف اضربي كيلو احشيه وبالعدد وع الفريزر وطلعيه مجمد ع الزيت

تجهيزات شهر رمضان ياميش وخشاف

  • التمر بدال ما تقعدى تفصصىيه قبل المغرب اعمليه وعبيه ف كيس او علبة ناشفة
  • المشمشية قصيها قطع صغيرة بالمقص وكمان التين والقراصيا طبعا مش محتاجة الياميش لما بيكون جاهز يبقى ع الغسيل والنقع وتحطيه ف التلاجة ع فكرة بيقى روعة لو حطتيه على المشمش اللى عملناه فوق

تجهيزات شهر رمضان وجبات

  • لسان العصفور : حمصيه م غير دهون تكونى مشغلة الفرن ع اكل حطيه ف صاج واسع وكل شوية قلبى. وزيه الشعرية للرز  
  • السمبوسك حطى جبنة ومتزاريلا ع بسطرمة ع رومى ع لانشون كله مقطع صغير وفلفل الوان وزيتون احشي وع الفريزر وتطلعيه تدهنى صينيه زيت وع الفرن بتبقى خفيفة
  • الفول المدمس نص الفول المنقوع ف البرستو وعليه جزرتين مبشورين اربع فصوص توم لمونة طماطماية واخر حاجة حوالى نص كوب عدس وشعرة كربوناته والماية تكون متساوية واوعى تحطى الماية الاخر الان العدس هينزل تحت فى القاع ويتلسع ويتحرق حطى الماية الاول وبعدين نفس الترتيب اللى فوق بياخد ساعة الا عشر دقايق
  • الطحينة كوباية سمسم كوباية دقيق الا ربع كوب الا ربع زيت ع المطحنة اللى سلاحها عريض هتلاقي السمسم بقى زى المرهم تاخده ع الخلاط مع باقى الاضافات ونص كوب سودانى محمص زى السمسم ومطحون ومعلقة كبيرة عسل ابيض خدى بالك نجاح الطحينة هو طحنها لغاية لما تطلع زيتها وهى بتطحن وف برطمان ناشف وع التلاجة
  • خلطة المحشي بصل يدبل وعليه عصير الطماطم يتسبك انزلى بالخضرة بس تكون التسبيكة بردة وقلبى وع الفريزر اسرع محشي لو عندك ورق عنب كرنب يبقى تمام
شارك هذه المقالة
مضمون قد يهمك
أضف تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *