طريقة عمل الاكلير بنجاح منقطع النظير
طريقة عمل الاكلير من أروع الحلويات التي يفضلها الاطفال والكبار واليكم طريقة الإكلير ومقاديره
مقادير طريقة عمل الاكلير
- لبن
- 4 معالق كبيرة زبدة
- معلقة سكر
- سنة ملح
- دقيق
- 4 بيضات
- 2 كيس فانيليا
- معلقة خل
طريقة عمل الاكلير
- نجيب حله نحط فيها نص مج لبن ونص مج مايه و 4معالق كبار زبدة ومعلقه صغيره سكر وسنه ملح وعالنار لما يغلي ننزل بمج دقيق
- ونقلب بسرعة ونوطي النار منطفيش ونفضل نقلب حبه حلوين ونطفي هنخلي العجينة دي تبرد خالص ونجيب 4 بيضات أحمر كبير وكيسين فانيليا ومعلقه خل هننزل بأول بيضة
- ونقلب جامد بمعلقه خشب لما تتجانس فالعجين ندخل بالتانيه وهكزا ومع آخر بيضة هنحط الفانيليا والخل
- هنحط العجين في كيس حلواني مدهون زيت ونشكله في صاج هندخله الفرن علي 220 لمده عشر دقائق
- بعدين نوطيه ل180 لمده نص ساعه بعدين نطفي وبعد 5 دقائق نوارب الفرن لحد ما يبرد كده هيبقى مقرمش وتحفه.
- الحشوة بقي جبت تمن كريم باستري من العطار وعملت مهلبية وضربتهم علي بعض بقت كريمة تحفة حشيت بيها الاكلير
- بفتحه من الجنب واحشيه الوش بقي شوكولاته سايحه معاها معلقتين لبن ومعلقه كبيره زبدة
- واسيحها كويس واحطها في كيس واعمل خطوط عالوش…الكراميل كوب سكر ناعم احطه في كزروله علي نار هاديه بدون تقليب
- اسيبه لما يسيح اقلب وأنزل عليه بكوب لبن عليه معلقة نشا واقلب مع بعض عالنار لما يبقي صوص هو هيكلكع عادي نفضل نقلب برضه والآخر نطفي ولو في كلاكيع نرميها
مضمون قد يهمك
أضف تعليقا