طريقة عمل الشاورما بالعيش السوري يم يمي

الشاورما بالعيش السوري من اجمل الوصفات السريعة والخفيفة جربيها معنا

مقادير الشاورما بالعيش السوري

• فراخ بانيه متقطعه شرايح
• بصل شرايح
• فلفل اخضر شرايح
• فلفل الوان شرايح
• بهارات شاورما
• طماطم مقطعه صغير
• بصل بودر
• ثوم بودر
• فلفل وملح وزيت.

طريقة عمل الشاورما بالعيش السوري

1. ف طاسه ع النار نشوح الفراخ بالزيت لغاية ما تستوي ومعاها البهارات
2. ننزل عليها البصل ونشوحه شويه
3. نحط الفلفل الاخضر والالوان والملح والفلفل ونشوحهم كويس وف الاخر نحط الطماطم المكعبات.
4. لعمل العيش السوري كوب دقيق + 2معلقة زبادي+ رشة ملح + نص كوب ماء نعجنهم،كويس لغاية ما تبقا متماسكه ونسيبها ترتاح لمده 10 دقايق
5. نكوره كور صغيره ونفرده بدقيق ونجيب صينيه غويطه ونقلبها ع وشها ونسخنها من فوق ونحط العيش عليها لمده دقيقتين ونقلبه ع الوش التاني وهكذا.
6. لعمل الثوميه  كوب زبادي + 3 ملاعق مايونيز + رشة ملح + عصير ليمون + كمون + فلفل +معلقة خل
7. لعمل السندوتش الشاوراما  نجيب العيش ندهن طبقه من الثوميه ونحط خلطة،الشاوراما ونقفل السندوتش
8. نشوحه بمعلقة زيت ف طاسه لغاية ما وشه يحمر من الناحيتين ويتكرر كله ع نفس الطريقه..