طريقة عمل الاوريو بأسهل خطوات
طريقة عمل الاوريو من اسهل الوصفات اللذيذة اللي يعشقها الاطفال وتناسب المدارس والرحلات
مقادير طريقة عمل الاوريو
- 2 كوب دقيق
- نص كوب نشا
- كوب إلا ربع زبده طريه بحرارة الغرفة
- كوب إلا ربع سكر بودرة
- نص كوب كاكاو خام
- بيضه
- فانيليا سائل
- ملعقة صغيرة بيكنج صودا
- رشه ملح
طريقة عمل الاوريو
- فى بوله نحط الدقيق والنشا والكاكاو ورشه ملح والبيكنج صودا
- ونقلبهم كويس
- فى بوله تانيه أكبر نحط الزبدة مع السكر البودره ونضربهم كويس بالمضرب الكهربى لحد ماتبقى كريمة ونحط البيضة والفانيليا ونضربهم كويس مع بعض
- نضيف المكونات الجافه اللى فى البوله الأولى فوق البوله التانيه ونعجنهم لحد ما العجينة تلم معانا وتماسك
- بعدين نفرد كيس تلاجه أو استرتش على الرخامه وعليه العجينة ونفردها بالنشابه
- ونشكلها بأى شكل نحبو وتدخل الفرن ساخن على 180درجه لمده ربع ساعه
- ولما تبرد خالص نحشيها (الحشوة )2 م ك جبنه كريمى و م ك زبدة طريه وكوب سكر بودرة وفانيليا ونص كوب كريم شانتى مخفوق
- الحشوة دى تحفه واحلى من كريمه بتاعت بره وممكن تحشى بيها كب كيك ممتازة
مضمون قد يهمك
أضف تعليقا