طريقة عمل المكرونة البشاميل بالخضار وفري
المكرونة البشاميل بالخضار جديدة وموفرة في ظل ارتفاع اسعار اللحوم هنتغلب على الغلاء وهنعمل البشاميل بالخضار
مقادير المكرونة البشاميل بالخضار
- كيس مكرونه كيلو تكون مسلوقه ثلاثة ارباع سوى
- لحمه مفرومه معصجه بالخضار
- عباره عن ( هنجيب حله على النار ونحط فيها شويه زيت على زبده وتشوحى كيلو لحمه مفرومه لحد ما تشرب الميه بتاعتها
- وبعدين ننزل عليها ببصلتين كبار مبشورين وشويه فلفل اسود
- ونقلب كويس مع بعض شويه وبعدين نحط حبيتين فلفل ألوان
- وبعديه حبيتين كبار جزر مبشور ناعم وحبيتين بطاطس مبشوره و4 حبات كوسه مبشوره
- ونقلب ونهدى النار شويه وكل شويه نقلب ميه الخضار اللى هتنزل هى اللى هتسوى اللحمه المفرومه والخضار
- وفى الأخر نحط توابل ملح وفلفل اسود وكزبره ناشفه وكمون وزنجبيل وبابريكا وقرفه وكبابه صينى وشطه وزعتر وحبهان
- ونقلب كويس لحد ما تنشف الميه وتستوى اللحمه)
طريقة عمل البشاميل
- البشاميل عباره عن ( لكل كوب لبن 2 ملعقه كبيره زبده وزيت ومعاهم ملعقتين كبار دقيق وملح وفلفل وبيضه انا استخدمت كيلو ونص لبن على شوربه وحطيت عليهم 4 بيضات والبشاميل يكون متوسط السمك)
- نطبق بقى الأول نجيب المكرونه ونخلطها بنص اللحمه المفرومه ونص البشاميل
- ونقلب كويس وبعدين نجيب صينيه ندهنها زيت
- ونحط فيها طبقه بشاميل ونص خليط المكرونه
- وبعدين باقى اللحمه المفرومه وبعدين نص المكرونه التانى
- وبعدين اخر حاجة البشاميل ونساويها كويس وندخلها فرن متوسط الحراره لحد ما يحمر وشها ولما تستوى ان شاء الله نسيبها تهدأ قليلا ثم تقدم بألف هنا وشفا
مضمون قد يهمك
أضف تعليقا