طريقة عمل شاورما المشروم وصفة صيامي

مقادير شاورما المشروم :

• مشروم فريش
• ملعقة زيت نباتى
• فص توم
• بصل جوليان (شرايح بصل رفيعه )
• ملح فلفل اوريجانو زنجبيل رشه كمون رشه كسبره شطه اختيارى
• رشه توم بودر
• مكعب ماجي خضراوات
• طماطم ناشفه مكعبات (شايله التجويف الداخلى)
• ذره حلوه وفلفل الوان
• رشه بقدونس
• فحمة

طريقة عمل شاورما المشروم الصيامي

1. ماشروم فريش متنضف و ممسوح بفوطه كويس ومتقطع شرايح
2. هنشوحه بملعقة زيت نباتى وفص توم لما لونه يغير هننزل عليه ببصل جوليان (شرايح بصل رفيعه )
3. ونقلب ونبهر بملح فلفل اوريجانو زنجبيل رشه كمون رشه كسبره شطه اختيارى ورشه توم بودر
4. ونقلب ومكعب ماجي خضراوات ونوطى النار لحد مالبصله تدبل شويه هنحط طماطم ناشفه مكعبات (شايله التجويف الداخلى) وذره حلوه وفلفل الوان وفالاخر رشه بقدونس ونطفى
5. هنحمى فحمايه نحطها فى وسط الصينيه على ورقه فويل برشه زيت ونغطى عليها
6. ممكن يتقدم جنبها رز كارى وصوص طحينه او تتعمل ساندوتشات وبالف هنا