طريقة عمل تورتة شاتوه الفراوله ولا احسن محلات

 

تورتة شاتوه الفراوله من الحلويات اللذيذة والتي يعشقها الاطفال جدا ويجبها الكبار بنفس القدر وهي مناسبة جدا لتزين مائدتك في اي عزومة او اي مناسبة سعيدة علشان كده جبتلك النهاردة طريقة سهله وسريعه نبدأ …

مقادير تورتة شاتوه الفراوله :

  • كوباية ونص طحين ( دقيق ) تم نخله
  • معلقتين نشا
  • كوباية زيت
  • كوباية سكر
  • كوباية مية مغلية دايب فيها علبة جيلي فروله
  • علبة كريم كراميل بودرة
  • معلقة كبيرة بيكنج بودر
  • بيضتين
  • باكو فانيليا
  • علبة كريم شانتيه للتزيين
  • حبات فراوله للتزيين

طريقة تجهيز وتحضير شاتوه الفراوله

  1.  نغلي كوب مية كبير في حلة ونضيف عليه علبة الجيلي فراوله ونقلب لحد ماتدوب ونسيبها تبرد
  2. نحط الجيلي دافي ومعاه السكر والكريم كراميل في الخلاط
  3. نضرب المكونات في الخلاط ونحط الزيت اثناء الخلط ونستمر في الخلط مدة اضافية من 5 ل 10 دقايق
  4. ناخد مقدار كوب من الخليط اللي في الخلاط وندخله التلاجة
  5. نزود بيضتين على باقي الخليط ونضيف الفانيليا ونخلط تاني ونصب الخليط في وعاء غويط
  6.  ننخل الدقيق والنشا مع البودر ونضيف الدقيق واحدة واحدة على الخليط مع التقليب بمضرب سلك على الهادي وفي اتجاه واحد فقط
  7. نجيب صينية مقاس 22 ونحط ورقة زبدة او  ندهنها بشوية زيت ودقيق علشان الشاتوه مايلزقش فيها
  8. نصب الخليط كله في الصينية وندخلها الفرن اللي سبق تسخينه على درجة 180 درجة لمدة ساعة الا ربع تقريبا وبالهنا
  9. بعد ما الكيك يستوي نسيبها تبرد وبعدين نقسمها نصين ونجيب الكريم شانتيه ونضيف عليه 3 معالق من الجيلي ونضربه كويس جدا
  10. اول نص من الكيكة نضيف علبه من الجيلي بالتساوي ونحط فوقه طبقة تانية من كريم شانتيه
  11. ونقطع حبات فراولة ونحطها على الوش للتزيين
  12. نحط النصين على بعض ونصب على الوش باقي كمية السائل وعلى الوش نزين بحبات الفراوله والكريم شانتيه وممكن تضيفي قطع فاكهة اخرى غير الفراولة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *