طريقة عمل صينية البروكلي باللحمة المفرومة
طريقة عمل صينية البروكلي باللحمة المفرومة
مقادير صينية البروكلي باللحمة المفرومة
- ثمرة بروكلي متقطعة ومغسولة كويس
- معلقة سكر
- نص كيلو لحمة مفرومة
- بصلاية متوسطة مفرومة ناعم
- حزمة بقدونس مفرومة ناعم
- 5 فصوص ثوم مهروس
- معلقة مرقة دجاج بودرة
- معلقة ك بهارات
- ملح وفلفل وشطة حسب الرغبة
- ربع كوباية زيت زيتون
- صلصة الطحينة : كوباية ونص طجينة سايلة – ملح وفلفل اسود – مية
طريقة عمل صينية البروكلي باللحمة المفرومة
- نسلق البروكلي مع السكر ونصفيه كويس ونسيبه على جنب
- في حلة هنحط زيت زيتون على النار ونضيف البصل المفروم وعليه رشة ملح لحد ما يبدل
- هنضيف الثوم المهروس ونقلب
- ننزل باللحمة المفرومة ونضيف نص معلقة بهارات ومرقة الدجاج ونقلب كويس جدا لحد ما تستوي اللحمة وريحتها تظهر
- هنحط اللحمة المفرومة في صينية الفرن او البرام الفخار ونحط فوقيها البروكلي المسلوق
- تجهيز صوص الطحينة : في حلة على النار هنحط الطحينة والليمون والملح والمية ونقلبهم كويس لحد ماتبقى الطحينة سايلة ونسيبها تغلي دقيقتين
- نصب صوص الطحينة فوق اللحمة المفرومة والبروكلي في البرام ونحطها في الفرن من تحت لمدة 10 دقايق
- بعد كده نحمرها من فوق وممكن نحط عليها جبنة بارميزان او موزاريلا او جبنة رومي مبشورة
- قدميها وزينيها بالبقدونس الاخضر وحلقات الطماطم حول الطبق
وبالف هنا
مضمون قد يهمك
أضف تعليقا