طريقة عمل الكنافة بالكاسترد حلويات رمضانية
طريقة عمل الكنافة بالكاسترد حلويات رمضانية
مقادير الكنافة بالكاسترد
- نص كيلو كنافة
- 4 معالق كبيرة زبدة
- نص كوباية سكر
- كوباية مكسرات مشكلة
- للكاسترد ( كوباية لبن – كيس كاسترد بودرة )
- للشربات ( كوبيتين سكر – كوباية مية – عصير لمونة )
طريقة عمل الكنافة بالكاسترد
- لتجهيز الشربات : ندوب السكر في المية على نار متوسطة لمدة 10 دقايق ولما تغلي نضيف عصير الليمون ونتابع لحد ما القوام يتقل ونخليه على جنب يهدى
- لعمل الكاسترد : هنجسب حلة متوسطة ونسخن فيها اللبن وندوب فيه بودرة الكاسترد لحد مايغلي والقوام يتقل ويبقى زي قوام المهلبية ونتركه يهدى ويبرد
- نجيب صينية متوسطة الحجم وندهنها سمنة ونقطع الكنافة ونفتتها ونفركها مع الزبدة والسكر كويس جدا
- نفرد نص كمية الكنافة في الصينية ومن غير ضغط عليها علشان تفضل هشة
- نفرد الكاسترد على الطبقة الاولى من الكنافة ونرش شوية مكسرات ونفرد النص الباقي من الكنافة ونساويها بالايد
- نسخن الفرن على درجة 180 وندخل الصينية الفرن لحد ما تحمر اطراف الصينية
- شغلي الشواية دقيقتين مع المتابعة لتحمير الوش
- طلعي الكنافة من الفرن واسقيها بشربات بارد وبألف هنا
مضمون قد يهمك
أضف تعليقا