طريقة عمل الكنافة بالمانجو والكريمة حلى رمضان
طريقة عمل الكنافة بالمانجو والكريمة حلى رمضان
مقادير الكنافة بالمانجو والكريمة
- نص كيلو كنافة
- 4 معالق كبيرة زبدة
- نص كوب سكر
- نص كيلو مانجة مجمدة ومقطعة مكعبات
- للكريمة : ( كوبيتين لبن – بيضة – نص كوباية سكر – 3 معالق دقيق – كوباية كريمة لباني )
- للشربات : ( كوبيتين سكر – كوباية مية – عصير لمونة )
طريقة عمل الكنافة بالمانجو والكريمة
- نجهز الكريمة ( نضيف اللبن والبيض والدقيق ونقلبهم كويس جدا ونرفعهم على النار ونقلب كويس لحد ما يتقل القوام ونسيبه يبرد – ونضرب الكريمة اللباني لحد ما تتقل – نضيفها للخليط )
- نجهز الشربات ( ندوب السكر في المية على النار ونسيبهم 10 دقايق ونضيف الليمون ونقلب وبعدين نطفي النار ونسيبها تهدى )
- افركي الكنافة مع الزبدة والسكر كويس جدا
- نسخن الفرن
- نجيب صنيتين بنفس الحجم وندهنهم زبدة
- نقسم الكنافة جزئين متساويين ونفرد كل نص في صينية وندخلهم الفرن
- نخرج الصينيتين من الفرن ونسقيهم شربات ونسيب الكنافة تبرد خالص
- نقلب الصينية الاولى في طبق التقديم ونفرد عليها الكريمة ونرص نص كمية المانجة
- نقلب الكنافة اللي في الصينية التانية بحرص شديد على الكنافة ونزينها بالكريمة ونص كمية المانجو المتبقية
- نرش عليها في الاخر صوص مانجة او عصير مانجة تقيل وبالهنا
مضمون قد يهمك
أضف تعليقا