طريقة عمل الفخار التركي بطريقة مصرية رمضانيات

قسم: الأطباق الرئيسية طريقة عمل الفخار التركي بطريقة مصرية رمضانيات » بواسطة عبد الرحمن - 2 يناير 2022

طريقة عمل الفخار التركي بطريقة مصرية رمضانيات

طريقة عمل الفخار التركي طريقة عمل الفخار التركي بطريقة مصرية رمضانيات

مقادير الفخار التركي

  • لحمة أو فراخ
  • طماطم
  • معجون طماطم
  • بصل
  • بصل بودر
  • ثوم
  • ثوم بودر
  • زعتر
  • ملح
  • فلفل أسود
  • فلفل رومي
  • جزرتين
  • حزمة بقدونس
  • جنزبيل
  • قرفة
  • بهارات شوربة
  • ورق لورا
  • صوص صويا

طريقة عمل الفخار التركي

  1. نتبل اللحم أو الفراخ من قبلها بيوم بالملح والفلفل الأسود والزعتر والبصل ونضيف غطا صوص صويا
  2. نشوح اللحم في ملعقة سمن وبعدها نزيله من السمن ونتركه جانبا
  3. نقطع بصل وجزر وثوم وحزمة البقدونس ونقلبهم في السمن مكان اللحمة
  4. بعد ما يدبلوا تماما نضيف لترين ميا ونتبلها..( فلفل أسود/ قرفة/ جنزبيل/ ورق لورا/ حبهان/ بهارات شوربة)
  5. بعد ما تغلي نحط اللحمة في الميا ونسيبها تستوي لمدة نص ساعة تقريبا
  6. البصل والفلفل والطماطم نقطعهم شرايح ونضعهم على جنب
  7. نجيب ملعقتين معجون الطماطم في طبق ونضيف له جنزبيل وفلفل اسود وبهارات مشاوي وملعقتين سكر ونص ملعقة ملح وملعقتين زيت ونص ملعقة خل ونص ملعقة بصل بودر وثوم بودر ونقلبهم كويس
  8. نتبل الخضار ( فلفل وبصل وطماطم المقطع جانبا ) نتبله بخلطة الطماطم
  9. 👆العجينة مجهزنها من قبل وخمرانة

مقادير العجينة

  • كيلو دقيق
  • معلقتين سكر كبار
  • نص معلقة ملح صغيرة
  • نصف كوب لبن
  • كوباية زيت
  • كيس خميرة
  • ميا فاترة تلمي بيها العجينة

طريقة عمل العجينة

  • تخمر العجينة ساعتين ونفردها بحجم صينية الفرن والعجينة ماتكون سميكة
  • نحضر الصينية ونضعها على وجهها نمسحة جيدا وندهنا زيت ونضع عليها العجين
  • ندهن بالفرشة على العجينة طبقة زيت خفيفة وبعدها ندهن طبقة صوص الطماطم اللي احنا تبلنا بيها الخضار
  1. اللحمة بتكون استوت بنطلعها من الشوربة ونرصها على العجين وما بين قطع اللحم بنرص الخضار وبعدها ندهن اللحم باللي تبقى من صوص الطماطم المتبل
  2. نجيب طبقة عجين تانية ونفردها بالنشابة كويس جدا وبعدها نضعها فوق اللحم ونقفلها من الجناب تماما
  3. ربع كوب لبن ندهن بالفرشة منه على وجه العجين ونرش سمسم وحبة البركة
  4. يدخل الفرن (فرني كهربا ظل بداخلها 20 دقيقة) النار شغالة فوق وتحت مع بعض
  5. بعد ما فات عشر دقايق خرجتها ودهنت لبن على وجهها تاني حتى ما تنشف وتركتها بقية العشرين دقيقة في الفرن لحد ما حمر الوجه والقعر
  6. نطلعها من الفرن ونقطع الوجه بالسكين بيطلع من الرغيف دخان كتيييير
  7. افتحوا الرغيف على السفرة أفضل وسط اولادكم بيفرحوا بشكل الدخان وهو خارج
مضمون قد يهمك
أضف تعليقا