من هي العاشقة الفرعونية ضحية السلطة

قسم: معلومات عامة من هي العاشقة الفرعونية ضحية السلطة » بواسطة عبد الرحمن - 28 ديسمبر 2022
كليوباترا

عشق السلطة

  • حكمت مصر لمدة 20 سنة كاملة من سنة 51 : 30 قبل الميلاد وكانت مشهورة بالجمال والطموح وعشق السلطة وكانت اخر الحكام البطالمة في مصر
  • اتجوزت اخوها بطليموس الثالث عشر وتم تتوجيهم بالتاج المزدوج لمصر واترضى الحكام والكهنة وشعب حكمهم .
  • طمعها في العرش بمفردها جعلها تعتقد ان جوزها يعيق تحقيق طموحها في السلطة
  • اتهمها الحكام وكبار رجال الدولة بأنها بتحاول تستولى على العرش لوحدها
  • هربت الى الصحراء لشرقية وقدرت تجمع جيش من العرب وهاجمت اخوها وجوزها بطليموس اكثر من مرة ولكن من غير فايدة
  • في الفترة دي عرفت ان خلاصها الوحيد في ايد يوليوس قيصر علشان يخلصها من بطليموس .

تعرفها على يوليوس قيصر

  • اتفقت مع احد الجنود انه يوصلها ليوليوس قيصر وهربت عن طريق لفها في سجادة كبيرة وشالها الجندي كهدية لقيصر
  • لما شافها قيصر اعجب بيها وصارت بينهم علاقة واتفقت معاه على الاستيلاء على عرش مصر والتخلص من اخوها
  • نفذ قيصر وعده وتخلص من بطليموس اللي مات غرقان ومبقاش حاجة تقدر تحول بين كليوباترا وحكم مصر .
  • حملت كليوباترا في طفل من يوليوس قيصر ومرة تانية طمعت في السلطة
  • المرة دي حلمت ان ابنها يكون ملك مصر وروما في امبراطورية كبيرة تجمع مصر وروما .
  • حلمها اتبدد مرة تانية لما اتقتل ابو ابنها يوليوس قيصر
  • رجعت مصر مع قيصرون ابنها وحكمت مصر ونظمت الضرائب واهتمت بالزراعة والري وحققت قدر من الرخاء والطمأنينة وجملت اسكندرية ومكتبتها وازدهرت في عهدها الكيمياء والعلوم والرياضة والفلاسفة وفنون التصوير والنسيج والصناعة المحلية .

التعرف على مارك انطونيو

  • في الفترة دي اتعرفت على مارك انطونيو حاكم الجزء الشرقي من الامبراطورية الرومانية
  • رجعت اطماعها تاني في السلطة بالتقرب من انطونيو وفعلا قدرت تسحره بجمالها لدرجة انه اتخلى عن حكم روما ورجع اسكندرية مع كليوباترا .
  • انجببت له عدة اطفال ونتيجة استهوانه بالحكم استبد الغضب بمجلس الشيوخ الروماني ووقفت روما ضد الإسكندرية  وأوكتافيوس ضد انطونيوس وكليوباترا
  • وقامت الحرب بين الاسكندرية وروما وجعل أنطونيو الإسكندرية عاصمة للإمبراطورية الرومانية وسرعان ما أعلنت كليوباترا «ملكة الملكات»، ووزعت الولايات الشرقية للإمبراطورية الرومانية بينها وبين طفليها من أنطونيو.
  • غضب الرومان لذلك كثيرا

انتحار مارك انطونيو

  • وفضل على حلم الامبراطورية الاطاحة أوغسطس ولكنه هزم انطونيو
  • قبل دخول اوغسطس الى الاسكندرية انتحر انطونيو واختبأت كليوباترا بمقبرتها

نهاية ملكة الملكات كليوباترا

  • واحتفظت بكل كنوزها في مقبرتها
  • وكان اوغسطس بيجهز عرض للاحتفال بالنصر وكان مجهز في الاحتفال عرض كنوز كليوباترا
  • علشان كده جمعت كل الكنوز في المقبرة وهددت بقتل نفسها وتضييع فرصة الاحتفال بالنصر على اوغسطس.
  • وقبل ان يهجم على المقبرة انتحرت عاشقة السلطة والحكم جميلة الجميلات كليوباترا .
مضمون قد يهمك
أضف تعليقا