طريقة عمل لانشون الدجاج في البيت واضمني صحة عيلتك

قسم: مضمون » الأطباق الرئيسية » طريقة عمل لانشون الدجاج في البيت واضمني صحة عيلتك » بواسطة عبد الرحمن - 21 مارس 2017
لانشون الدجاج

 

لانشون الدجاج من أكثر المأكولات التي يعشقها الاطفال ولكن نسمع كل يوم عن كوارث في المصانع المنتجة لهذه المنتجات وانها غير مطابقة للمواصفات وغياب الضمير يقتل اطفالنا في صورة هذه المنتجات ولذلك وجب على كل ام ان تضمن صحة اطفالها وتتعلم طريقة عمل اللانشون في البيت وهنساعدك وهنقدم ليكي الطريقة المضمونة والمقادير المظبوطة

مقادير لانشون الدجاج

  • صدور فراخ ثلاثة او اكتر اذا كانت الصدور صغيرة
  • نص كوباية زيتون اخضر مخلي
  • كوباية بقسماط عليه بهارات ثوم بودر وبصل بودر
  • معلقه ملح كبيره
  • معلقه بابريكا
  • شوية كمون مطحون ناعم
  • فلفل اسود مطحون ومعلقة فلفل اسود حب
  • اربع فصوص توم مفرومين
  • ورقتين لورا

  طريقة التجهيز للحصول على لانشون الدجاج

  1. هنحط كل المقادير السابق تجهيزها في الخلاط من غير الزيتون ونضربها مع بعض في الخلاط كويس جدا لحد ماتبقى ناعمة اوي
  2. بعد كده هنطلع الخليط من الخلاط وهنقوم بعجنها يدويا لحد ماتبقى عجينة ماسكة نفسها شوية
  3. هنا بقى جه دور الزيتون المخلي هنضيفة للعجينة بشكل غير منتظم ونعجن تاني علشان نضمن توزيعه داخل العجينة
  4. هنعمل العجينة على شكل اسطواني ونلفها بورقة بلاستيك كويس ونقفلها من الجوانب بشكل يضمن ان الهوا مايدخلش جواها زي المحلات بالظبط
  5. نلف اسطوانة اللانشون بورق الومنيوم ونقفلع كويس جدا
  6. هنجيب حلة مية ونحطها على النار وحط معاها ملح وفلفل وورق اللورا
  7. هنسقط اسطوانة الانشون في الحلة ونسيبها لحد ماتغلي
  8. نهدي عليها النار بعد الغليان ونسيبها لمدة ساعة كاملة تكمل سواها
  9. نخرج الاسطوانة من الماء ونسيبها تهدى خالص وتبرد
  10. نقطع اسطوانة الانشون حلقات ونقدمها وبألف هنا وعافية
شارك هذه المقالة
مضمون قد يهمك
أضف تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *