طريقة عمل كيكة قدرة قادر لذيذة بقدرة القادر

قسم: الحلويات عبد الرحمن - 17 أبريل, 2017
كيكة قدرة قادر

كيكة قدرة قادر لذيذة جدا ومفيدة وسهلة التحضير وسريعة ومستحبة في كل وقت اعمليها لضيوفك في رمضان كل عام وانتم بخير

مقادير كيكة قدرة قادر

  • كيسين سكر مكرمل
  • كيسين كريم كراميل
  • لتر لبن
  • نص كوب زيت
  • نص كوب لبن
  • نص كوب كاكاو (لو خام يبقى ربع كوب بس )
  • كوب سكر
  • بيضتين
  • كيسين فانيليا .

طريقة عمل كيكة قدرة قادر

  1. صينية مقاس 24 هنحط فيها كيسين السكر المكرمل ونحاول نوزعهم على القاع كله على قد مانقدر
  2. وبعدين في حلة على النار هندوب كيسين الكريم كراميل في لتر لبن ونقلبهم على النار لحد مايسخن ونصبه في الصينية على الكراميل
  3. هنشغل الفرن على 180 ونحضر خليط الكيك : نص كوب زيت / نص كوب لبن / نص كوب كاكاو (لو خام يبقى ربع كوب بس ) / كوب سكر / بيضتين / كيسين فانيليا
  4. هنضرب كله بالمضرب او في الخلاط بس انا بفضل المضرب لحد مايختلطوا كويس وبعدين هننخل كوب ونص دقيق + كيس بيكنج باودر
  5. ونضيفهم على الخليط شوية بشوية ونقلب بالمعلقة لحد مايدوب الدقيق كويس وننزل بالخليط ده على الكريم كراميل اللي في الصينية براحة
  6. بعد كدة هنحط الصينية كلها جوا صينية تانية أكبر منها ونملأ الصينية الفاضية بالماء الساخن لحد ربعها تقريبا
  7. وندخلها الفرن ومانفتحش عليها غير بعد 45 دقيقة.. انا اخدت معايا 55 دقيقة لحد مااستوت.
  8. بعد كدة هنطلعها براحة لان الكريم كراميل بيكون لسه طري وسايب وهنسيبها تستهدى ولما تبرد ندخلها التلاجة 4 أو 5 ساعات وبعد كدة نطلعها ونقلبها في طبق التقديم. وبالهنا
شارك هذه المقالة
مضمون قد يهمك
أضف تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

error: