طريقة عمل عجينة الباف باستري في البيت
عجينة الباف باستري من اجمل عجائن المخبوزات وتسمى العجينة الهشة وهي لذيذة جدا واليوم هنعملها في البيت لتوفير المال ولضمان صحة العائلة وهذه العجينة متعددة الاغراض حيث يمكن عمل العديد والكثير من المخبوزات منها الحلو ومنها الحادق عل سبيل المثال عمل مخبوزات بالمربى او السكر او الشيكولاتة او الفواكه وممكن عمل مخبوزات مالحة بالجبنة او البسطرمة او اللحم المفروم وغيره
مقادير عجينة الباف باستري
- عدد 5 كوبايات دقيق
- عدد 2 كوباية زبدة
- كوبايتين مية للعجن
- معلقة ونص ملح صغيره
طريقة عمل عجينة الباف باستري
- هنحط الدقيق والملح في حلة العجان ونخلط المكونات
- هنضيف المية بالتدريج مع تشغيل العجان حتى تتكون عينة متماسكه
- هنكور العجينة بايدينا ونضغط عليها نخليها على شكل اسطوانه
- هنسيبها ترتاح 10 دقايق
- نضع لزبده بين ورقتين من النايلون ونفردها بالنشابة وندخلها الثلاجة ثلث ساعة
- هنرش شوية دقيق على الرخامة ونفرد عليها العجينة بالنشابة على شكل مستطيل سمكه 2 سم
- هنحط الزبدة في وسط العجينة وونقفل جوانب العجينة على الزبدة ونغطيها كلها
- افردي العجينة مرة تانية بالنشابة لحد سمك 1 سم
- طبقي العجينة 3 طبقات وفرديها تاني بالنشابة
- هنحط العجينة في الصينية ونغلفها بورق نايلون وندخلها الثلاجة نص ساعة
- هنكرر الخطوات مرة تانية وتالتة ورابعة ودخلي العجينة الثلاجة كل مرة حوالي 30 دقيقة
- اخر مرة افردي العجينة بالنشابة بسمك 5 سم قبل الاستخدام
مضمون قد يهمك
أضف تعليقا