طريقة عمل بلح الشام بطريقة جديدة مقرمشة

قسم: الحلويات عبد الرحمن - 20 يونيو, 2017
بلح الشام

طريقة عمل بلح الشام من اسهل طرق الحلويات والذها وهي وصفة لذيذة وغير مكلفة وخفيفة على المعدة ويحبها الجميع

مقادير طريقة عمل بلح الشام

  • كوب مياه
  • معلقة كبيرة سكر
  • ربع كوب زيت
  • كوب دقيق
  • 2 معلقة كبيرة سميد
  • رشة ملح
  • معلقة كبيرة نشا
  • 2 بيض
  • فانيليا

طريقة عمل بلح الشام

  1. حطى فى حله كوب ميا مع معلقه كبير سكر مع ربع كوب زيت وارفعيهم على النار
  2. حضري كوب دقيق على 2 معلقه كبيره سميد على رشه ملح ومعلقه كبيره نشا
  3. عند غليان المياه حطى خليط الدقيق ده وقلبى لحد ماتبقى عجينه
  4. طلعيها من الحله وافرديها فى طبق وسيبيها تبرد خالص وتكونى محضره بره 2 بيضه وفانليا
  5. لما العجينه تبرد حطى بيضه واحده وفانليا واعجنى لحد ماتختفى وبعدين البيضه التانيه واعجنى كويس اوى
  6. حضري القمع او كيس حلوانى بتاع الكريم شانتيه وحطى العجينه وتكونى حاطه زيت ف الطاسه وميكنش سخن خالص يكون بارد عشان يستوى وميتحرقش
  7. حطى بالقمع واحده واحده واول ما لونه يصفر شيليه من الزيت بره دقيقتين
  8. وحطيه تانى ياخد اللون عشان يبقى مقرمش
  9. حضري شربات عالنار سخن : كوب مياه وكوب سكر يغلو وحطى عصره لمونه واقفلى
  10. حطى الشربات سخن على بلح الشام وهوا سخن مش هيطرى وهيفضل مقرمش وبالهنا
شارك هذه المقالة
مضمون قد يهمك
أضف تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

error: