طريقة عمل الفراخ بتتبيلة الزبادي في عزومات رمضان

طريقة عمل الفراخ بتتبيلة الزبادي في عزومات رمضان

مقادير الفراخ بتتبيلة الزبادي

• فرخة مقطعة 8 قطع
• 4 بصلات كبار
• علبة زبادي
• ليمون اخضر
• ملح فلفل
• حبهان وورق لورا
• شطة حسب الرغبة
• حبة بطاطس كبيرة او 2 وسط
• فلفل اخضر
• جزرة متوسطة

 طريقة عمل الفراخ بتتبيلة الزبادي

1. هنقطع الفرخة 8 قطع ونغسلها كويس جدا
2. نعمل التتبيلة : هنقطع البصل شرائح رفيعة وندعكها كويس اوي بالملح والفلفل الاسود والشطة والحبهان ونعصر عليهم ليمونة خضراء ونضيف علبة الزبادي وندعك كويس اوي
3. نقطع الفلفل الاخضر شرايح والجزر شرائح رفيعة
4. نتبل الفراخ بالتتبيلة والبصل ونحاول ندخل كمية من البصل المتبل بين الجلد ولحم الفرخة
5. باقي التتبيلة نفرشها في الصينية ونغطي بيها الفراخ بالكامل وندخلها التلاجة مش اقل من 3 ساعات ويفضل انها تبات في التلاجة لتاني يوم
6. نطلعها من التلاجة وقبل ماندخلها الفرن هنحط شرائح البطاطس في الصينية مع التتبيلة وترص فوقيها الفراخ وع الفرن لمدة ساعة
7. نسيبها تهدى ونقدمها مع رز و ملوخية او رز بالكاري او مكرونة وطحينة وشيبسي وسلطة خضرا وبألف هنا