طريقة عمل الفتة المصري على اصولها
الفتة المصري اشهر الوصفات المصرية على الاطلاق وهي تعتبر المتربعة الاولى على عرش الوصفات والاطباق الشعبية واي فتاة او سيدة مصرية لا بد ان تتقن هذه الوصفة جيدا
مقادير الفتة المصري
- كوبايتين رز مصري مغسول كويس ومتصفي كويس جدا
- معلقتين زيت
- معلقة ملح
- صلصة طماطم
- معلقة سمنة بلدي
- عيش متحمر في زبدة
طريقة تجهيز وتحضير الفتة المصري
- هنحط معلقتين سمنة او زبدة وشوية زيت في حلة ونسخنهم جدا وبعد كده نضيف الرز ونقلب ونملح بمعلقه صغيرة ملح ونهدي النار لحد ما يسخن الرز كله
- نسخن الشوربة كويس ونحط كوبايتين ونص من الشوربة على الرز ونقلب
- نسيبه على نار عالية لحد ماتبدأ الشوربة تغلي وبعدين نهدي النار
- نعمل صلصة الفتة المصري بالطريقة دي هنجيب نص كيلو طماطم مستوية ونعصرهم ونسخن معلقة زيت في حلة او طاسة ونشوح فيها معلقتين توم وبعدين نحط عليهم معلقتين خل
- وبعدين نضيف عصير الطماطم ومعاها معلقة صلصة ونسيبهم على النار علشان تتسبك
- نحط معلقة سكر علشان ماتعملش حموضة
- ونبهر بملح وفلفل اسود وبعد التسبيك نضيف نص كوباية مية تاخد غلوه واحدة ونطفي عليها النار
- هنجيب عيش مقطع حتت صغيرة ونحمصه في الفرن او ندهنه سمنه ونحطه في الفرن او نحمره في معلقة زبدة
- نجيب بولة الغف ونحط فيها العيش المحمر او المحمص وعليه كوباية شوربة ونسيبه يشرب الشوربة وبعد كده نغرف عليه الرز المطبوخ ونحط الطشة عليه
- ممكن نعمل الفتة دي بأي نوع شوربة متوفر عندك سواء شوربة لحمة أو شوربة فراخ او حتى شوربة ارانب ولكن اصل الفتة طبعا شوربة الكوارع وبألف هنا وعافية
مضمون قد يهمك
أضف تعليقا